Xof Ali Aydın Çiçek

  Xidir bêveng kewt oda û neynika ke Welî daybî ci kerde tûnika çaketê pîyê xo û bi pistnayîşî vat: "pîyo mi rîyê xo û ê to a neynika ke to daybî mi de kerd vîndî û naye de reyna dî. Wa no rîyê mi to de bimano." Agêra û ver çarna ra odaya Çêçila, a zî hewn de bîye. Giran ame leyê cila xo, sivik binê meqetî ra çenteyê xo yo ke rew ra kerdîbî amade vet. Ame verê berî, vinet û agêra Munzurî de nîyada. Şopêk winî cayê xo de bî mat û mend. Seke verê ci de sînoro de zaf derg û çetin bî, beno ke... Her çî gamêk ra girêdayî bî; aver yan apey? Xidirî bînêda xorîne ante û vejîya teber...Senî ke vejîya teber sura honike sivik rîyê ey lîşt û o ard ra xo. Xidirî sereyê xo kerd berz û aşma zerde de nîyada, roşnîya aşme zereyê çimanê Xidirî de...   Kitap Adı: Xof Yazar: Ali Aydın Çiçek Yayınevi: Vate Yayınevi Hamur Tipi: 2. Hamur Sayfa Sayısı: 11 Ebat: 13 x 19,5 İlk Baskı Yılı: 2021 Baskı Sayısı: 1. Basım Dil: Kürtçe Barkod: 9786052298213